Detido un veciño de Portugal por causar queimaduras a unha persoa cunha sustancia inflamable en Bande
O home presentouse voluntario no cuartel da Garda Civil.
Por Europa Press / Redacción | OURENSE | 23/09/2021 | Actualizada ás 10:15
Axentes da Garda Civil detiveron a un veciño de Portugal por agredir en Bande a unha persoa cunha sustancia inflamable que lle provocou queimaduras no rostro.
Segundo informou o Instituto Armado, a Garda civil de Calvos de Randín detivo este pasado mércores a un veciño de Portugal de 59 anos de idade como presunto autor dun delito de lesións ocorrido o día 13 de setembro en Ponche Linares.
En concreto, relataron as mesmas fontes, unha "persoa foi agredida con algunha sustancia inflamable, sufrindo queimaduras que lle afectaron ao rostro".
As mesmas fontes destacaron que o detido en relación con estes feitos presentouse voluntariamente no cuartel da Benemérita tras ser requirido. As dilixencias instruídas foron remitidas ao Xulgado de Instrución de Bande.
