Animalistas sinalan que o lobo afecta ao 0,31% do gando galego e que o medo a danos persoais é "irreal"

A asociación Libera! di utilizar estatísticas agrarias da Consellería de Medio Rural.

Por Europa Press / Redacción | Santiago de Compostela | 29/09/2021 | Actualizada ás 19:09

Comparte esta noticia

A asociación animalista Libera! sinalou que o lobo só afecta ao 0,31% do gando en Galicia; unha porcentaxe para o que se basearon, segundo indican, nas estatísticas agrarias da Consellería de Medio Rural dispoñibles na súa páxina web (2019).

Lobo
Lobo | Fonte: Amigos da Terra.

Segundo estes datos, remarca Libera! en Galicia hai rexistrados máis de 530.000 bóvidos e 192.000 animais das especies ovina e caprina, mentres que o número de animais mortos a causa do lobo ibérico foi de 2.204 o pasado ano.

"Con estes datos se extrapola facilmente que a porcentaxe de afectación do carnívoro sobre o gando é de tan só o 0,31% a pesar da intensa campaña de criminalización deste animal agora protexido por parte da Xunta de Galicia e os lobbies agrogandeiros", insistiu a asociación.

Para os animalistas, "está claro" que a "non defensa" do lobo pasa por "xerar un negocio a futuro coa súa caza deportiva" --como xa ocorre en Castela e León--, e "en seguir fornecendo de diñeiro público aos cazadores coma se a súa actividade corrixise algo no Medio Natural".

Ademais, a asociación censurou o uso dos servizos xurídicos e técnicos da Consellería para "facer recursos ante a Audiencia Nacional cando existen decenas de denuncias por abandono e malos tratos animais ás que non se lles dá curso áxil" e que, como denuncian algunhas entidades protectoras, "caducarían sen interpor sanción algunha".

"O suposto medo a danos do lobo sobre persoas é irreal e non está avalado por ningún dato oficial, sendo empregado polos grupos de presión como unha ferramenta máis para xustificar cazarías en Galicia", explicou a asociación.

Por contra, apuntan, a caza provocou na última década centos de persoas feridas e decenas de mortes, "moitas delas de cidadanía completamente allea á actividade cuxas familias ven cernada a súa vida por culpa de irresponsables que gozan de cuantiosas subvencións públicas".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta