Detido en Ourense un militar retirado con 65 kg de haxix

Transportaba a droga de Andalucía a Galicia.

Por E.P. | SANTIAGO DE COMPOSTELA | 17/11/2021 | Actualizada ás 14:08

Comparte esta noticia

Un militar retirado de 49 anos residente no sur de España ao que lle constan varios antecedentes foi detido en Ourense tras ser sorprendido mentres transportaba 65 quilos de haxix de Andalucía a Galicia nun vehículo de aluguer.

Fontes policiais detallaron que a actuación foi levada a cabo por axentes da Unidade de Droga e Crime Organizado (Udyco) da Comisaría de Vigo-Redondela. Así, establecéronse redes de información mediante as que se concluíu que organizacións da zona sur de España podían intercambiar haxix por cocaína con redes afincadas en Galicia.

Tras realizar comprobacións, seguimentos e vixilancias no marco dunha investigación, os policías interceptaron un vehículo estacionado nunha vía de servizo próxima á cidade de Ourense na mañá deste martes. Deste xeito, observaron que o vehículo desprendía un forte cheiro a haxix e detiveron ao usuario do mesmo, que se hospedaba nun hotel. Así, comprobaron que se trataba dun militar retirado que viaxaba só desde Andalucía nun vehículo en cuxo maleteiro se interviñeron 65 quilos de haxix.

A metade da droga estaba distribuída paquetes de medio quilo marcados con logotipos, o que implica que fora tratada en España. Mentres, a parte restante estaba oculta nun fardo e non fora manipulada, polo que se supón que se trataba de mercadoría recollida directamente do transporte de orixe. Posteriormente, o detido pasou a disposición do Xulgado de Instrución número 2 de Ourense. Polo momento, a investigación permanece aberta e non se descartan novas detencións.

Droga inrtervenida mediante a operación. POLICÍA NACIONAL
Droga inrtervenida mediante a operación. POLICÍA NACIONAL | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta