A Xunta pide a toda a sociedade "implicarse activamente" para superar o reto demográfico

A conselleira de Política Social, Fabiola García, convidou este venres a toda a sociedade a "implicarse" activamente para superar o reto demográfico ao que se enfronta, "non só Galicia e España", senón "gran parte do continente europeo".

García interveu, mediante unha mensaxe gravada, no seminario do Plan Estratéxico de Gobernación do OCDE para o despoboamento rural nas Rexións do Suroeste Europeo (RESOE da Macrorrexión de rexións do Suroeste de Europa), que se celebrou na Fundación Comiñas, en Cantabria, baixo o título 'Preparando ás rexións para o cambio demográfico'.

A titular de Política Social expuxo no foro a Lei de impulso demográfico, "o instrumento legal en torno ao que Galicia articulou as diferentes medidas para frear a crise demográfica".

O departamento autonómico destacou que a normativa, a primeira aprobada en España, foi elaborada coa axuda de expertos, partidos políticos, sindicatos e asociacións diversas.

"A política demográfica para funcionar ten que perdurar", recalcou Fabiola García.