Feijóo admite ter recibido regalos "de cortesía institucional"

Que se entende por regalo "de cortesía institucional"?. Unha botellas de viño ou unhas taciñas de café?. Precisamente, iso será o que a Xunta tente regular a través dun novo código ético do que o seu presidente, Alberto Núñez Feijóo, falou hai unha semana.

Desta volta, e preguntado por GC sobre se el ten aceptado regalos como representante público, Feijóo quixo aclarar que, precisamente ese código tentará regular o que se entende por "atencións protocolarias e de cortesía".

"Regaloume catro taciñas de café"

"Onte -- polo mércores-- nunha cea co alcalde de Porto regaloume catro taciñas de café de Porto e iso está a disposición do despacho da Xunta de Galicia. Entendo que ese é un regalo de cortesía que o presidente da Xunta ten que aceptar, simplemente, porque é unha cortesía coa autoridade que llo confire", especificou.

En todo, caso, insistiu que a norma que pretende aprobar pretende solucionar un "vacío legal" sobre o que se entende por cortesía institucional e que, cando entre en vigor, os regalos estarán prohibidos na Administración galega.

Feijóo insiste en que "comprometeu a súa palabra"

"Teño comprometido a miña palabra de prensentar un código ético. O primeiro código ético da Administración autonojica durante 30 anos para solucionar eivas legais e o que se pode e non facer e, nese código ético, estará prohibido a aceptación de regalos para altos cargos e quedará perfectamente regulado o que se entende por atencións protocolarias e de cortesía", concluíu.

Precisamente, no marco da Operación Pokemon descubriuse que son moitos os cargos institucionais dos principais partidos políticos galegos que teñen recibido regalos, desde reloxos marca Rólex ou bolsos e prendas das esclusivas Prada ou Gucci, ata viños, capóns ou doces como recibiu a ex presidenta da comunidade de Madrid, Esperanza Aguirre.