Por E.P. | SANTIAGO DE COMPOSTELA | 20/12/2021 | Actualizada ás 13:08
A Consellería de Medio Rural comunica miles de retiradas relativas a dereitos pago básico da Política Agrícola Común (PAC) ao non facerse uso nas últimas campañas. De tal forma pasan a formar parte da Reserva Nacional co fin da súa redistribución entre mozas que soliciten a incorporación como produtores activos.
No Diario Oficial de Galicia (DOG), notifícase a resolución de retirada de dereitos de pago básico das campañas 2021 e 2020, así como as retiradas de dereitos pendentes das campañas 2019 e 2018.
A modo de exemplo, a retirada dos dereitos de 2021 faise pola non utilización dos mesmos durante dous anos consecutivos, é dicir, en 2019 e 2020. Estes dereitos son para agricultores que teñan unha actividade agraria real, polo que se, por exemplo, os herdeiros dun agricultor non fan uso dunha explotación deixan de percibir axuda.
Así, o feito de que eses dereitos pasen á Reserva Nacional serve como o principal mecanismo para dar apoio a mozos que se incorporen á actividade. Contra esta resolución cabe interpor recurso de alzada ante o Fondo Galego de Garantía Agraria (Fogga) no prazo dun mes a partir desta publicación no DOG.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.