Un terremoto de case 4º con epicentro na costa de Laxe sacode todo o norte da Coruña

O tremor de terra rexistrouse en Carballo, Dumbría, Tordoia e A Coruña.

Por Galicia Confidencial | Santiago de Compostela | 21/12/2021 | Actualizada ás 20:26

Comparte esta noticia

Instituto Xeográfico Nacional rexistrou un tremor de terra de magnitude 3,5 - 3,7º na escala Richter con epicentro na localidade coruñesa de Laxe, aínda que non hai constancia de danos persoais nin materiais.

Mapa co epicentro do terremoto
Mapa co epicentro do terremoto

O sismo tivo lugar na tarde deste martes e, segundo informou o CIAE-112 Galicia, varios veciños chamaron a Emerxencias ao notar o tremor, tanto en Laxe como noutros municipios, como Muxía, Ponteceso e Santa Comba.

Segundo publica o Instituto Xeográfico Nacional, o 'evento' produciuse ás 19:23 horas (hora peninsular), con epicentro en Laxe, e sentiuse con diferentes intensidades, en Vimianzo, Oza-Cesuras, Camariñas, Zas, Cabana de Bergantiños, Ponteceso, Coristanco, Santa Comba, Tordoia, Carballo, Fisterra, Boiro, ou Muros, entre outras localidades.

O 112-Galicia sinalou que, a pesar das "chamadas informativas" dos veciños que notaron o tremor, non hai constancia "nin de danos persoais nin materiais".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta