Por E.P. | A CORUÑA | 27/12/2021 | Actualizada ás 14:48
O Ministerio de Transportes, Mobilidade e Axenda Urbana notificou a aprobación definitiva dunha axuda por valor de case 1,3 millóns de euros destinada á rehabilitación integral da Casa Veeduría, segundo informa o concello herculino.
Tras esta aprobación, indica que licitará as obras no primeiro semestre de 2022, "obras que non só permitirán a recuperación do edificio, construído no século XVIII e catalogado pola súa relevancia arquitectónica e histórica, senón que permitirán ampliar a carteira de servizos municipais".
Na antiga sede do Goberno Militar xa está aberto ao público o centro cívico, pero agora as instalacións gañarán espazo coa reforma, apunta.
Noutras dotacións, instalarase un centro de día con comedor, ademais de dotar de máis espazo ao centro cívico, situar unha sala de estudos para alumnos universitarios e crear un novo viveiro de empresas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.