O PP non ve capaz ao goberno local da Coruña de sacar a diante uns novos orzamentos
"Nós non nos imos a quedar de brazos cruzados como espectadores, vendo como PSOE e Marea soben impostos e prorrogan o orzamento", din os populares coruñeses.
Por E.P. | A CORUÑA | 28/12/2021 | Actualizada ás 17:32
O grupo municipal do PP no Concello da Coruña elaborou un documento con propostas para o novo orzamento municipal por importe de case 100 millóns de euros, que lle fará chegar á alcaldesa, Inés Rey, antes de que finalice o ano.
Así o explicou, en rolda de prensa, a portavoz popular, Rosa Gallego. "Confiamos en que nos chame para reunirnos esta semana, dado que hai Xunta de Goberno e pleno extraordinario e todo concarácter económico, entre eles a prórroga do orzamento de 2020 por segundo ano consecutivo", afirmou.
Sobre o orzamento, manifestou que o goberno local "prorrogarao ao non ser capaz de elaborar un novo en tempo e forma".
"Nós non nos imos a quedar de brazos cruzados como espectadores, vendo como PSOE e Marea soben impostos e prorrogan o orzamento un ano máis, mentres fan anuncios baleiros de contido", sostivo.
