O PPdeG demanda ao Goberno unha comisión de expertos para a repartición dos fondos europeos
Pedro Puy urxe ao Goberno unha "xestión transparente" e "sen ningún tipo de cuestionamento".
Por E.P. | SANTIAGO DE COMPOSTELA | 24/01/2022 | Actualizada ás 17:35
O portavoz do Grupo Parlamentario Popular, Pedro Puy, considerou que a chegada de fondos europeos pola pandemia da covid-19 supón "unha oportunidade única para Galicia e para España" polo que urxiu ao Goberno de España a facer "un bo uso deste esforzo da Unión Europea" cunha "xestión transparente" e "sen ningún tipo de cuestonamiento".
Así se pronunciou nunha rolda de prensa ofrecida este luns na Cámara galega, na que asegurou que é "unha obrigación" das autoridades encargadas de xestionar estes fondos, como o Goberno de España, facer unha "boa distribución". Por iso, demandou que unha comisión de expertos estableza criterios de repartición que permitan que se faga unha cogobernanza na distribución dos fondos.
Pedro Puy sostivo que o sistema de adxudicación de fondos do Goberno central "exclúe unha avaliación obxectiva externa que evitaría moitos problemas" e lamentou que "para unha vez que Europa dá un paso tan importante" non se sexa capaz de xestionar "unha boa repartición destes fondos para transformar a economía produtiva española e galego".
Ao termoda reunión dos deputados do Grupo Popular para preparar o pleno desta semana, Puy destacou a comparecencia do conselleiro de Sanidade, Julio García Comesaña, "a petición propia e para dar cumprimento ao compromiso asumido polo Grupo Popular na Deputación Permanente o pasado 13 de xaneiro".
Ademais, respecto do pleno que se celebra esta semana, o portavoz popular sinalou que o seu grupo demandará "cuestións relevantes" para o futuro de Galicia e a recuperación económica. Así, destacou que reclamarán ao Estado ampliar o programa de apoio ao Xacobeo mediante a extensión das desgravacións fiscais ata o 31 de decembro de 2023. "É unha medida moi importante porque permite conseguir importantes patrocinios para as actividades relacionadas co Xacobeo e facer investimentos ao longo do Camiño de Santiago para dar servizo aos peregrinos", apuntou.
Unha segunda proposición non de lei pedirá que o Goberno central e Alcoa garantan a reactivación da planta de San Cibrao canto antes. "Para nós non é unha boa noticia que en España se deixe de producir aluminio primario", dixo o popular, que, aínda que asegurou entender a postura dos traballadores, considerou necesaria a "rápida recuperación da actividade na factoría da Mariña".
Neste sentido, afirmou que, canto antes se poña en funcionamento e se recupere a produción nesta factoría de Alcoa mellor será para todos". Para iso, reiterou que é necesario que o prezo da enerxía sexa competitivo.
