Trasladado en helicóptero un condutor ferido tras saírse da vía en Lalín

Un home foi excarcerado e trasladado en helicóptero tras saírse da vía este domingo co coche que conducía no muncipio pontevedrés de Lalín. Segundo informa o 112, foron os Bombeiros do Deza os que excarceraron ao condutor ferido, que quedou atrapado no interior do vehículo tras o impacto.

Ao redor das 18,00 horas, un particular chamou ao 112 para informar de que un vehículo saíra despedido, acabando no carril contrario, no punto quilométrico 159 da N-640, na Veiga, no concello de Lalín. Acudiron de inmediato, tras ser avisados polo 112 Galicia, os servizos sanitarios de urxencia, os Bombeiros do Deza, os membros do GES de Lalín, a Garda Civil de Tráfico e a Policía Local.

Ademais, para a evacuación do ferido, os servizos sanitarios confirmaron ao 112 Galicia que o helicóptero medicalizado con base en Santiago tamén se desprazase ao lugar. De feito, unha vez liberado o condutor do interior do vehículo, os Bombeiros indicaron que o ferido fora evacuado polo persoal sanitario e trasladado na aeronave ao centro hospitalario de referencia.

Un dos helicópteros da Garda Civil que participaba na procura dun desaparecido queda varado e precintado no medio da calzada tras sufrir un accidente, a 4 de maio de 2021, en Navia, Lugo, Galicia (España). O home desapareceu do seu cas. Carlos Castro - Europa Press