Por E.P. | SANTIAGO DE COMPOSTELA | 23/05/2022 | Actualizada ás 14:53
Funcas prevé que o PIB de Galicia creza un 3,8% este ano en comparación con 2021, por baixo da media estatal do 4,2%, segundo as súas estimacións actualizadas publicadas este luns. A pesar diso, este crecemento do 3,8% sumado ao 5,1% de 2021 situará a Galicia no grupo de comunidades que "máis preto se atoparán do nivel de PIB previo á pandemia".
Pola súa banda, taxa de paro baixará ao 10,3% en 2022, un resultado que mellora significativamente a media estatl, despois de subir ao 12% o ano pasado. Como factores negativos para a comunidade galega, pesan o alto consumo enerxético, unha taxa de inflación máis elevada e un peso notable do sector do automóbil, con importantes problemas de subministración.
En 2020, o PIB de Galicia decreceu un 9,1%, por baixo da media estatal grazas fundamentalmente á menor caída do sector servizos polo menor peso do turismo internacional no seu PIB e por un comportamento menos negativo deste, cun menor descenso no número de turistas recibidos e no número de pernoctacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.