Segue caendo a porcentaxe de camas UCI ocupadas por pacientes covid-19, pero sobe a incidencia de contaxios

Galicia mantén a letalidade global da pandemia máis baixa no Estado.

Por Europa Press / Redacción | Santiago de Compostela | 21/06/2022 | Actualizada ás 16:37

Comparte esta noticia

A porcentaxe de camas UCI ocupadas por pacientes Covid-19 en Galicia segue en descenso e sitúase no 1,21 por cento con respecto ao venres pasado, mentres que a media estatal ascende ao 4,07%. Pola súa banda a incidencia a 14 días en maiores de 60 anos aumenta a 865,57. Así se reflicte no informe publicado este martes, 21 de xuño, polo Ministerio de Sanidade, que se actualiza dúas veces por semana. no que se sinala que os pacientes ingresados ata o 20 de xuño ascenderon en Galicia a 522, de entre os 7.793 no conxunto de España, e baixan a nove o críticos --tres menos que o venres-- dos 361 de todo o país.

UCI do Hospital Clínico de Santiago
UCI do Hospital Clínico de Santiago | Fonte: Ana Varela - SERGAS.

A taxa de ocupación por 100.000 habitantes aumenta en Galicia a 19,36 e a do conxunto de España ascende a 16,45, mentres que no caso da UCI baixa ao 0,33 en Galicia e está no 0,76 no conxunto do Estado. Pola súa banda, a taxa de novos ingresos por 100.000 habitantes baixa lixeiramente ao 13,06 en Galicia, fronte ao 14,03 da media estatal; mentres que no caso de UCI baixa ao 0,07 e o cociente estatal colócase no 0,57.

En canto á incidencia acumulada a 14 días en Galicia en maiores de 60 anos --nos que se centra actualmente a estratexia de control da Covid-19 en España--, segundo os datos actualizados este martes, aumenta a 865,57 casos por 100.000 habitantes, mentres que a media estatal sobe a 653,25.

Por franxas de idade, na de 60 a 69 anos ascende a 790,33 casos por 100.000 habitantes --a media de España sitúase en 517,5--; a de 70 a 79 anos aumenta a 874,24 --o cociente estatal está en 711,37-- e en maiores de 80 anos sobe a 967,08 --a media do país é de 832,96--.

Segundo o citado informe actualizado este martes, ata o 19 de xuño de 2022 faleceron pola Covid en Galicia 3.550 persoas das 107.604 en España, delas 14 nos últimos sete días de entre 160 no conxunto do Estado.

A taxa de mortalidade global da pandemia por 100.000 habitantes sobe lixeiramente a 131,39, fronte á media estatal de 226,77. Pola súa banda, a taxa semanal de mortalidade por millón de persoas aumentan a 9,65, fronte ao 7,07 estatal.

Con todo, Galicia mantén a letalidade global da pandemia máis baixa de España, co 2,1 por cento, fronte á media estatal que segue no 4%.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta