Por E.P. | SANTIAGO DE COMPOSTELA | 07/07/2022 | Actualizada ás 20:09
O PSdeG promoverá unha declaración institucional no Parlamento de Galicia contra o veto á pesca de fondo por parte da Comisión Europea, xa que o considera un "agravio" ao sector pesqueiro galego.
"Parece que quere aniquilar a pesca dunha maneira moi evidente", sinalou nun comunicado a deputada socialista Patricia Otero, que apelou a facer unha "fronte común" de administracións e comunidades autónomas ante a intención das autoridades europeas.
Así as cousas, o PSdeG quere solicitar o apoio institucional da Cámara autonómica en defensa do sector pesqueiro para demandar á CE que "recapacite" sobre os seus plans sobre a pesca de fondo.
Otero puxo o acento no impacto que tería esta medida na frota galega e demandou que calquera paso se apoie en "informes técnicos e científicos" e conte "cun verdadeiro estudo de impacto socioeconómico para ver o calado real desta prohibición no sector pesqueiro".
Os socialistas subliñan que a postura do Goberno de España é contraria a esta medida, como explicitou o ministro de Pesca, Luís Planas, nunha visita a Burela o pasado mércores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.