Por E.P. | OURENSE | 24/07/2022 | Actualizada ás 13:09
O alcalde de Ourense, Gonzalo Pérez Jácome, citou á portavoz do Partido Popular no concello, Flora Moure, e ao tamén concelleiro do grupo de goberno, e secretario local do PP na cidade, Jorge Pumar, para que "aclaren a súa posición sobre o grupo de goberno municipal e sobre o pacto establecido entre Democracia Ourensana e PP para gobernar esta cidade". O encontro será o martes ás 9,30 horas, na Alcaldía.
Tal e como explicou nun comunicado, o alcalde toma esta iniciativa "á vista das informacións publicadas nos diferentes medios de comunicación" e de "filtracións varias que chegan por todos os lados", así como das declaracións aos medios do novo líder do PP local, Manuel Cabezas, nas que "di que se vai reunir con eles para reflexionar sobre se deciden seguir ou non no goberno municipal".
"Isto non é seriedade nun grupo de goberno, polo que lles imos esixir un firme compromiso e unha declaración pública deste compromiso para poder continuar no grupo de goberno. A estabilidade do goberno municipal ve máis aló de intereses electorais. Con Ourense non se xoga", dixo o rexedor, en relación a este asunto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.