Liberan a dúas persoas atrapadas nun coche tras unha saída de vía en Avión
Os bombeiros tiveron que resolver outra excarceración en Vilamarín.
Por E.P. | SANTIAGO DE COMPOSTELA | 07/08/2022 | Actualizada ás 11:14
Dúas persoas tiveron que ser liberadas polos Bombeiros do Carballiño ao quedar atrapadas no vehículo no que viaxaban, tras saírse este de a vía en Avión. Aínda que as vítimas foron tres, só dous necesitaron ser liberadas. Segundo informa o 112, o suceso tivo lugar ao redor das 7,30 horas. Un particular contactou co servizo para informar dunha saída de vía con persoas feridas na OU-212, no punto quilométrico 2, no termo municipal de Avión.
O 112 pasou aviso ao Servizo de Urxencias Sanitarias de Galicia-061 e aos Bombeiros. Ademais, informaron á Garda Civil de Tráfico, á Policía Local e aos membros do GES e de Protección Civil da localidade.
CONDUTORA ATRPADA EN VILAMARÍN
Por outra banda, unha muller tamén foi liberada este sábado do vehículo no que viaxaba, tras quedar atrapada dentro ao saírse da vía cando circulaba pola a OU-0527, punto quilométrico 6, en Vilamarín. Foi a propia condutora a que chamou, pasadas as 00,00 horas, ao 112 asegurando que se atopaba ben, pero que se saíu da vía e non podía abandonar o coche.
O servizo informou a Urxencias Sanitarias de Galicia-061, aos Bombeiros e á Garda Civil de Tráfico. Unha vez no lugar e tras finalizar a súa intervención, os Bombeiros confirmaron a excarceración da muller ferida, que foi trasladada polos servizos sanitarios ao Hospital Clínico Universitario de Ourense.
