O Goberno central financia a exhumación de tres fosas comúns en Galicia

O delegado do Goberno en Galicia, José Miñones, destacou que o Executivo apoiará a procura, identificación e dignificación de persoas desaparecidas durante a Guerra Civil e a ditadura nas fosas comúns situadas no lugar de Vilacova, concello de Lousame (A Coruña), así como nos concellos da Capela (A Coruña) e Celanova (Ourense).

Unha persoa sostén un cartel onde se pode ler 'Franquismo nunca máis' durante a marcha cívica para pedir a 'devolución' ao patrimonio público da Casa Cornide, en mans da familia Franco, na Coruña | Fonte: M. Dylan - Europa Press.

A Delegación do Goberno sinalou que a achega para estas tarefas foi de máis de 104.000 euros para a Xunta de Galicia de cara a estas tarefas.

Miñones destacou que esta achega "reflicte o compromiso do Goberno coa reparación da memoria das vítimas do franquismo" e engade que é a "primeira vez que un goberno habilita axudas directas ás comunidades autónomas para levar a cabo estes traballos".