Yolanda Díaz: “Gustaríame que BNG e Podemos participen do cambio”

A líder de EU destaca que Podemos supón “unha oportunidade máis” para derrotar ao bipartidismo. Destaca que Beiras, como Julio Anguita, “morrerá coas botas postas”.

Por Galicia Confidencial | Compostela | 21/09/2014 | Actualizada ás 19:37

A coordinadora xeral de Esquerda Unida, Yolanda Díaz, volveu insistir esta fin de semana na necesidade de que os partidos da esquerda e nacionalistas formen parte do que xa se deu en chamar as mareas. "Gustaríame que todas esas forzas, chámense BNG, Podemos ou como se chamen, formen parte desa onda de cambio que xa está nas nosas portas", suliñou.

Nunha entrevista na Radio Nacional España (RNE), insistiu na necesidade de que "todas as forzas rupturistas" se unan nos videniros comicios municipais para "superar aos partidos do réxime", en alusión a PP e PSOE. "Estamos a xogarnos concitar a participación da maioría social e derrotar democraticamente o bipartidismo e acabar con esta segunda restauración. A cidadanía está cansada de que gobernen para unha minoría", apuntou.

Por iso, apostou por un pacto forte entre as formacións “rupturistas” e non pactos “de mesa-padiola". “É imprescindible que todas as organizacións colaboren para o proceso de enorme transformación que se vai vivir na próxima primavera”, dixo.

Neste sentido, mostrouse convencida de que nas próximas eleccións "haberá cambios" en todos os gobernos das "grandes cidades" de Galicia. "Estou convencida de que se as forzas rupturistas traballamos correctamente superaremos aos partidos do réxime", insistiu.

Díaz asegurou que nestes comicios, Podemos supón "unha oportunidade máis”. "É a primeira vez na historia que as forzas rupturistas teñen a posibilidade de gañar, cousa que sabe perfectamente o poder", dixo. “De aí veñen os intentos de Feijóo e Rajoy de dar golpes de estado, a través das súas reformas electorais", engadiu.

Sobre os problemas de saúde de Xosé Manuel Beiras, a líder de EU destacou que o portavoz de AGE seguirá ao pé do canón. "Beiras, do mesmo xeito que Julio Anguita, van morrer coas botas postas, van seguir achegando ao debate da esquerda", concluíu.

6 Procesiones te perdoa

De cambio de despacho dela e de IU quere dicir. Que o primeiro que fan cando entran en institucions e remodelarse o despacho. Xa informou Fajardo de que por fin teñen o luxo que merecen no parlamento.

5 eusi

Avante a derrotar a unineuronais e borbónicos de toda caste

4 bouzas

Pepepero...Yolanda esqueces un pequeniño detalle: que IU e BNG vivides de remoras do PPsoE! Esas migallas que tan ben vos manteñen, logo os sociolistos non seran tan malos... ou sodes patido complice do rexime? Semella que si, que sodes agradecidos do sistema! Se Podemos nace para mudar as cousas, esperemos que tamen remate cos politicos profesionais e vitalicios de primeira e segunda xeracion (ponlle os nomes que queiras, como o dos vellos, e mirate ao espello). Outra cousa ben sendo participar da politica, pero non cobrar e facer dela un modo de vida... Ti mesma es un exemplo, e non exemplar precisamente!

3 ailalolo

e o despacho do Parlamento por pintar... giro a la pintura ya! http://www.lavozdegalicia.es/hemero...

2 La Choni

En que canbios? O cambio é Podemos. Que é que decide con que vai . Es unha trilera oportunista sen credibilidade ninghuna . Vai criar a túa filla e deixate de lerias.