Unha persoa ferida de gravidade tras ser atropelada por un turismo en Catoira

Ocorreu na PO-548.

Por Europa Press / Redacción | Santiago de Compostela | 08/09/2022 | Actualizada ás 10:05

Comparte esta noticia

Unha persoa resultou ferida de gravidade tras ser atropelada por un turismo na PO-548, ao paso polo concello pontevedrés de Catoira. O 112 recibiu a alerta pasadas as 22,00 horas do mércores, cando un particular chamou porque vira como o turismo que circulaba xusto diante del alcanzaba unha persoa.

Ambulancia do 061
Ambulancia do 061 | Fonte: 061-GALICIA.

Para atender o ferido, que presentaba lesións importantes, os xestores do Centro Integrado de Atención ás Emerxencias de Galicia solicitaron a intervención dos profesionais de Urxencias Sanitarias, que despois de ofrecer os primeiros coidados, trasladaron a persoa ao Hospital do Salnés.

Co fin de colaborar co equipo médico e garantir a seguridade na vía durante os labores de asistencia, tamén se pediu a colaboración dos membros do GES de Padrón e dos voluntarios de Protección Civil da localidade. Ao final da súa actuación, indicaron que a persoa alcanzada polo vehículo estaba grave, pero xa de camiño ao centro hospitalario de referencia.

Por último, neste operativo interviñeron os axentes da Garda Civil de Tráfico co fin de coñecer todos os detalles sobre o accidente.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta