A Coruña paga 1.960 euros para que entrevisten ao alcalde

Un documento oficial demostra que o Concello gastou 2.000 euros para que Carlos Negreira fose entrevistado no diario deportivo local cando ascendeu o Dépor.

Por M.V. | A Coruña | 09/10/2014 | Actualizada ás 14:17

Unha resolución da Alcaldía de Coruña de 8 de agosto de 2014 acorda aboarlle a unha axencia de publicidade unha factura de 1.960,20 euros para que un medio de comunicación da cidade entreviste ao alcalde con motivo do ascenso do Deportivo. Así o demostra unha copia do documento de fiscalización publicada onte polo BNG e na que se pode ler textualmente "abonar fac. entrevista alcade de la coruña por ascenso del deportivo".

O documento publicado polos nacionalistas facilita o nome da axencia intermediadora pero borra o do medio de comunicación. Segundo puido confirmar GC de varias fontes da prensa e da oposición local, o Concello pagou case 2.000 euros por unha entrevista no diario Deporte Campeón, o único deportivo da capital herculina. Cómpre lembrar que Deporte Campeón é parte do Grupo La Capital, matriz do diario de información xeral coruñés El Ideal Gallego.

O Goberno de Carlos Negreira investe de seguido importantes cantidades de publicidade nos medios herculinos. Unicamente para celebrar o San Xoán gastou 75.527,4 euros en anuncios nos medios, segundo a documentación que o Concello tivo que facilitar aos concelleiros do Bloque.

"O Señor Negreira trata de agochar o seu estrepitoso fracaso á fronte do Concello dilapidando en propaganda unha inxente cantidade de cartos municipais" denuncian dende o Bloque.

Cuestionado o Concello sobre como é posíbel que cartos públicos se utilicen para lograr unha entrevista ao alcalde nun medio de comunicación, fontes municipais responderon hoxe que o pago foi pola inserción dunha publicidade, non por unha entrevista, a pesar do que indica o documento oficial.

2 podemos botalos

e canto paga Lores a La Voz? foi de balde o Via V de onte e os especiais? que diferenza hai entre pagar ao Faro, Voz ou Ideal? que diferenza hai entre os que usan diñeiro publico para propaganda do alcalde? Caballero e Lores non fan o mesmo que o Negrera de La, la, la...? o Bloque de Pontevedra non fai o mesmo que o Partido Podre coruñesista? cheira mellor Ence que Reganoxo ou a refineria? canto tempo mais imos aturar a politicos que abusan do poder en nome da patria, da progresia ou do rancio localismo?

1 Podremos os cerebrods

Home, non todos teñen a sorte de que La Secta e demais medios da pijo-progresia burguesía, coma Público, País etc. e tamén os da dereita, poñan os seus medios, dende o primeiro día a disposición da seita podrémica, e difundan ate o ultimo peido que se bota o novo Mesias coletero. Como gustades os que tedes o televexo conectado aos miolos, de pechar toda difusión das voces diferentes ao seu "non mensaxe", ausencia de pensamento, e o valeiro intelectual único, populista, interclasista e banal. A espera do Godot da coleta e a "Hada que nos han Colau".

2 La Voz Amada

Si, pode ser certo todo o que dis. E, sen caer no teu estilo de colocar calificativos aos que destapan as miserias dos teus, dime que pensas do uso dos cartos públicos para facer propaganda na Voz de su Amo dos presuntos logros do alcalde Lores e do grupo do BNG en Pontevedra. Non lembras traicións anteriores de Santiago o Rei das Copas? Hai criterios, con publicidade e transparencia, na concesiòn da publicidade institucional onde goberna o Bloque ou son os mesmos que co PP?

1 Iriba

Cos cartos del claro....ai non q os cartos dos galegos tamen son deles claro....de todo los xeitos escoitar a un pepeiro e impagable co listos q son....barato me parece para ter a inmensa sorte de poder disfrutar das suas verbas....grazas