O detido por decapitar presuntamente un can en Forcarei queda en liberdade
Fontes municipais confirmaron que foi a alcaldesa do municipio, Verónica Pichel, quen viu ao sospeitoso e avisou á Garda Civil para que procedese ao seu arresto.
Por Europa Press / Redacción | SANTIAGO DE COMPOSTELA | 17/10/2022 | Actualizada ás 19:44
A Garda Civil detivo este luns ao presunto responsable de decapitar un can no concello pontevedrés de Forcarei. Tras pasar a disposición xudicial, o home quedou en liberdade.
Fontes municipais confirmaron que foi a alcaldesa do municipio, Verónica Pichel, quen viu ao sospeitoso e avisou á Garda Civil para que procedese ao seu arresto.
Segundo relataron veciños do municipio, o pasado fin de semana acharon unha bolsa de plástico manchada de sangue nun colector próximo á vivenda do detido. Posteriormente, descubriron que a bolsa contiña o cadáver do animal
Precisamente, este mesmo domingo, a Fundación Franz Weber denunciara a decapitación dun cachorro na localidade pontevedresa. Así mesmo, advertía da proliferación de casos de sadismo contra animais en Galicia e alertaba ademais da súa "virulencia" e da "sensación de impunidade" que xera a non identificación dos autores destes sucesos.
