Terceira vitoria consecutiva

Ficha técnica
Santiago Futsal 5: Iker López, Borja, Hugo, Iván Rumbo e Dani Chino --cinco inicial-- Lucas Bolo, Chus, Gallego, Tallón, Kike e Santi.
Uruguay Tenerife 2: Iago Barro, Ayose, Pablo, Javi Rodríguez e Carlos Corvo –cinco inicial-- Luis Jara, Josué Cancio, Lolo Suazo, Jacinto Delgado e Pedro Toro.
Goles: 1-0: Ayose, en propia meta (5’). 1-1: Lolo Suazo (12). 2-1: Chus (13’). 3-1: Lucas Bolo (21’). 4-1: Iván Rumbo (29’). 5-1: Borja (36’). 5-2: Carlos Corvo (38’).
Árbitros: Lumbreras González e Lope Díaz. Amarelas a Hugo Sánchez no Santiago Futsal e a Lolo Suazo e Luis Jara no Uruguay Tenerife.
Incidencias: partido da 6ª xornada da LNFS no Fontes do Sar ante 1.000 persoas.

Lonxe quedan as dúbidas do arrinque, con tres derrotas seguidas. Agora van xa tres vitorias consecutivas, esta última 5-2 co Uruguay Tenerife, cun gran segundo tempo no que o Santiago Futsal, segundo Santi Valladares, foi o equipo de sempre: intenso coma poucos.

O partido foi aberto no principio, con chegadas nas dúas áreas: Carlos Corvo para os visitantes, Iván Rumbo e Hugo nos locais. Non tardou o primeiro gol, tras un tiro de Gallego que petou en Ayose. Os de Francis Arocas foron a polo empate, que chegaría no minuto 12, obra do pichichi Lolo Suazo. Pero só un minuto despois, Chus marcou de xogada individual cun tiro dende fóra da área o 2-1 co que se chegou ao descanso.

Nada máis voltar ao campo, Lucas Bolo fixo o 3-1, resultado que deu tranquilidade ao Santiago Futsal, que se fixo co dominio do xogo e creaba ocasións de perigo. No 29’, Iván Rumbo fixo o cuarto tras xogada individual pola banda de Hugo. O lanzamento da sexta falta tinerfeña foiselle a Gallego ao pau. Iván Rumbo repetiu remate á madeira, pero Borja fixo o quinto no 36 tras un robo de balón de Lucas Bolo. Carlos Corvo, nun dobre penalti, puxo o 5-2 definitivo.

Tralo partido, Santi Valladares falou de vitoria xusta, aínda que recoñeceu que na primeira parte non estiveron ben e o Uruguay tivo varias ocasións con 1-0 no marcador. “Pero na segunda parte fomos moi orgullosos na defensa do un para un. E ademáis tivemos unha puntaría excelente”. O técnico local destacou a segunda parte: “Fomos un equipo duro, pegañento. Fomos o Santiago que vimos sempre, sobre todo na defensa”. E iso ven do traballo diario: “A vitoria é resultado do trabajo diario, sesión a sesión, adquirir hábitos que non tiñamos, iso leva o seu tempo. Tamén medramos á hora de competir”.

Nesta 6ª xornada, o Burela Pescados Rubén recibe ás 18.30 o Magna Navarra en Vista Alegre e á mesma hora, pero en Tudela, o Azkar Lugo vista o Ribera Navarra.