Por Europa Press / Redacción | SANTIAGO DE COMPOSTELA | 31/10/2022 | Actualizada ás 16:09
O secretario xeral do PSdeG, Valentín González Formoso, criticou que a Xunta de Galicia non dedique "nin un só euro" dos Orzamentos de 2023 á memoria democrática e acusou ao Goberno galego de non ter "ningún plan de recuperación de memoria histórica, tal e como fixo Mariano Rajoy".
O líder dos socialistas galegos fixo estas declaracións no Castelo de San Felipe, en Ferrol, onde participou este luns nun acto con motivo do Día das Vítimas do Franquismo para "homenaxear e lembrar aos miles de represaliados, perseguidos e fusilados simplemente por pensar distinto".
Alí, tamén acusou ao PP de "votar en contra da Lei de Memoria Histórica, que busca facer xustiza" con aquelas persoas que foron "represaliadas, perseguidas e fusiladas", tal e como o fan "o resto de democracias máis avanzadas do mundo".
"Copiemos das mellores democracias do mundo, poñamos en primeiro lugar os valores democráticos e lembremos esa etapa histórica para que non se volva a producir", manifestou o político socialista, que tamén detallou que en Galicia "hai preto de 500 fosas sen descubrir, faltando respecto diso ás súas familias".
Nesta mesma liña, Formoso cualificou de "falta de respecto" a actitude dos populares "ao votar en contra dunha lei que o resto de formacións políticas, que levan sustentando a democracia neste país, desde décadas, votaron a favor" porque, continuou, "é o que quere a sociedade española".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.