A Coruña e Ourense enfróntanse a outros 12 municipios para ser sede da Axencia de Intelixencia Artificial

A Coruña e Ourense compiten con outros 12 municipios para ser sede da Axencia Española de Supervisión da Intelixencia Artificial, mentres que a segunda faino con outras 20 para a sede da Axencia Espacial Española.

Así o confirma o Ministerio de Política Territorial que explica que no caso da Axencia Española de Supervisión da Intelixencia Artificial son: A Coruña; Alacante; Barcelona; Xixón; Granada; Guadalaxara; Jerez de la Frontera (Cádiz); Leganés (Madrid); Ourense; Palma; Salamanca; Santa Cruz de Tenerife; Segovia e Zaragoza.

No caso da Axencia Espacial Española son: Cabanillas del Campo (Guadalaxara); Cebreros (Ávila); Cidade Real (Cidade Real); Elxe (Alacante); Estella-Lizarra (Navarra); Huelva; Jerez de la Frontera (Cádiz); L'Hospitalet de Llobregat (Barcelona) e Las Palmas de Gran Canaria, Agüimes, San Bartolomé de Tirajana (As Palmas).

Tamén están León; Ourense, Palencia; Puerto del Rosario (As Palmas); Puertollano (Cidade Real); San Javier (Murcia); Santa Cruz de Tenerife; Sevilla; Teruel; Tres Cantos (Madrid); Yebes (Guadalaxara) e Zamudio (Bizkaia).

A admisión a trámite destas candidaturas está condicionada a que a Comisión consultiva verifique que reúnen os requisitos establecidos para o efecto. O Ministerio de Política Territorial considera que o procedemento para determinar as sedes das novas axencias estatais públicas "foi un éxito e tivo gran acollida", ao recibirse un total de 35 candidaturas para as dúas axencias procedentes de 14 comunidades autónomas.

Intelixencia artificial e computación cuántica.