"Golpistas", "corruptos" ou "covardes"... así recibe o pobo de Sada aos promotores da moción de censura

Quintana, Martiño Noriega ou o o fundador de Alternativa dos Veciños, Anxo García Seoane, entre o público que foi a apoiar ao alcalde saínte.

Por Europa Press / Redacción | SANTIAGO DE COMPOSTELA | 18/11/2022 | Actualizada ás 13:24

Comparte esta noticia

María Nogareda, exconcelleira de Educación e que concorreu ás eleccións municipais por Alternativa dos Veciños, é a nova alcaldesa de Sada tras prosperar a moción de censura contra o ata agora alcalde, Benito Portela, de Sadamaioría.

Fíxoo por unha moción de censura propiciada polos dous edís elixidos nas últimas eleccións municipais por Alternativa dos Veciños -que conformaron o goberno tripartito xunto a Sadamaioría, con seis edís, e BNG, con dous--, e que foron expulsados da formación; os cinco do PP --con expediente disciplinario-- e os dous do PSOE, tamén expulsados de forma provisional.

Antes do inicio do pleno, coa presenza duns 300 asistentes na Casa da Cultura, despregáronse pancartas coa lema como 'Fora tránsfugas', 'Non á moción' ou 'Sada non paga a traidores' e escoitáronse berros de "corruptos" ou cánticos como "onde están os covardes?".

Xa á chegada dos edís que apoiaron a moción escoitáronse de novo reproches, entre eles 'lerchos' e 'fóra' nunha Casa da Cultura cun dispositivo policial tanto no interior como no exterior do mesmo.

Pola contra, Benito Portela foi recibido con aplausos e coreando a palabra "alcalde". Algunhas persoas recrimináronlle, mentres, actuacións pendentes fronte aos berros doutros de "Nunca máis", lema que exhibiu na súa camiseta Xosé Fernando Fariña, de Sadamaioría.

Este, na súa intervención, cualificou de "frankestein" ao novo goberno local e de "golpistas" aos edís que promoveron a moción, reproche que tamén fixeron os asistentes a María Nogareda como nova alcaldesa, á que tacharon de "corrupta".

"DESLEAIS CON SADA"

O exalcalde, visiblemente emocionado e que lembrou que tamén en xaneiro de 2004 fíxose a moción de censura contra Abel López Soto, do BNG, expuxo que se trata dunha decisión "en contra da vontade expresada en 2019" e cualificou de "golpe antidemocrático" a moción polo feito, sobre todo, de que a promova quen estivo no goberno local.

"Son desleais coa cidadanía de Sada", dixo considerando que vai "en contra" dos partidos cos que os edís concorreron ás urnas. Tamén alertou das consecuencias dun goberno con edís "non adscritos", sen descartar a adopción das medidas legais "que procedan".

REPROCHES DE "VENDIDA" Á ALCALDESA

María Nogareda decidiu non intervir, no pleno, ante os berros que se escoitaban cara á súa persoa de "vendida". Pola súa banda, non se chegou a escoitar á portavoz do grupo municipal do PP Soraya Salorio e de María Pardo -- que concorreu polo PSOE-- ante os reproches por parte do público.

Desde o BNG, Laura Rodríguez, mostrouse confiada en que as próximas eleccións se penalice a "deslealdade" dunha "alianza baixo corda de tránsfugas e de partidos tan diferentes". "Déronse argumentos débiles e xénericos", manifestou despois de que os promotores da moción a xustificaran por "incumprimento" de acordos.

Ao debate da moción, asistiron representantes da Marea Atlántica, como o seu candidato á Alcaldía na Coruña, Xan Xove; o exalcalde de Ferrol, Jorge Suárez; o exalcalde de Santiago, Martiño Noriega; o alcalde de Oleiros e fundador de Alternativa dos Veciños, Anxo García Seoane, que tamén exhibiu un cartel en contra da moción e apupou aos promotores da mesma, e o exvicepresidente da Xunta e exportavoz nacional do BNG, Anxo Quintana.

Pleno da moción de censura en Sada
Pleno da moción de censura en Sada | Fonte: M. DYLAN - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta