A Praza de Jacinto Benavente de Madrid recuperará o cruceiro derrubado en 2020

A reforma en Madrid da céntrica praza Jacinto Benavente, unida á Porta do Sol pola rúa Carretas, incluirá a reposición do cruceiro derrubado en novembro de 2020 por un músico rueiro, segundo deu a coñecer este martes o alcalde da capital, José Luís Martínez-Almeida.

O alcalde de Madrid, José Luís Martínez-Almeida (5d), e o presidente da Xunta de Galicia, Alfonso Rueda (4d), á súa chegada á inauguración da nova ruta saudable do Camiño de Santiago, na Praza de Santiago, a 22 de novembro de 2022, en Madrid | Fonte: Gustavo Valente - Europa Press.

"Hai un proxecto de remodelación da praza de Jacinto Benavente, que esperamos poder acometer en tempo próximo, e nel inclúese a restitución do cruceiro como non pode ser doutra maneira", manifestou ante os medios de comunicación desde a praza de Santiago, onde estivo acompañado polo presidente da Xunta de Galicia, Alfonso Rueda.

O Centro Galego de Madrid lamentou entón perder un símbolo, o cruceiro, "que con todo o agarimo doouse ao pobo de Madrid como mostra de irmandamento e que se atopaba situado na praza de Jacinto Benavente, praza que recolle algunhas das actuacións por ser a máis próxima á sede máis antiga dos galegos na Comunidade de Madrid, sita na rúa Carretas, 14".