Galicia entre as que máis recolle residuos urbanos: máis de 1,6 millóns de toneladas en 2022
A economía española xerou 10,6 millóns, un 20% menos, e recolléronse un 0,8% máis.
Por Europa Press / Redacción | Santiago de Compostela | 23/11/2022 | Actualizada ás 14:36
Galicia foi a quinta comunidade que máis residuos urbanos recolleu durante 2020: máis de 1,6 millóns de toneladas, só por detrás de Andalucía (4,6 millóns de toneladas), Cataluña (3,7 millóns), Comunidade de Madrid (2,6 millóns) e Valencia (2,4 millóns).
Cataluña foi a comunidade onde se recolleu a maior cantidade de papel e cartón (410,9 miles de toneladas) e de vidro (183,3 miles). Pola súa banda, Comunidade de Madrid recolleu o maior volume de envases mixtos (188,0 miles).
Por tipoloxía, en Galicia foron case 1,5 millóns de residuos mesturados, 46,7 miles de toneladas de vidro, 40,9 miles de toneladas de papel e cartón e 32,3 miles de toneladas de envases mixtos. Pola súa banda, Baleares recolleu a maior cantidade de residuos per cápita (572,8 quilogramos) en 2020 e País Vasco a menor (367,9 quilogramos).
DATOS ESTATAIS
A economía española xerou 106,1 millóns de toneladas de residuos en 2020, un 20,3% menos que no ano anterior, mentres que as empresas xestoras destes residuios recolleron 22,9 millóns de toneladas, un 0,8% máis.
