Atopan consciente nunha leira e tras pasar a noite á intemperie ao home de 79 anos desaparecido o xoves en Sanxenxo

Por Europa Press / Redacción | PONTEVEDRA | 06/01/2023 | Actualizada ás 12:07

Comparte esta noticia

Jesús María Padín, o veciño de Portonovo de 79 anos que desaparecera o xoves, apareceu na mañá deste venres nunha leira da parroquia de Arra, en Sanxenxo.

Segundo confirman fontes municipais, foi un membro do dispositivo de procura o que deu con el pasadas as 11.00 da mañá. Estaba consciente, pero trasladarano a un centro sanitario para facerlle unha revisión médica despois de pasar a noite á intemperie.

O home faltaba da súa casa desde as 16.00 horas do xoves, 5 de xaneiro, cando saíu a dar un paseo como fai habitualmente. Os labores de procura despregáronse entre Sanxenxo, Portonovo e O Grove, xa que o septuaxenario ten por costume percorrer a costa ata San Vicente, entre as praias da Lanzada, Montalvo e lugares rochosos.

Participaron no dispositivo, ademais de amigos e familiares, a Garda Civil, o Seprona, drones da Axencia Galega de Emerxencias (Axega), Policía Local, Protección Civil e os servizos municipais de Emerxencias.

Jesús María Padín, home de 79 anos veciño de Portonovo, en Sanxenxo, desaparecido o 5 de xaneiro de 2023 / CONCELLO DE SANXENXO / Europa Press
Jesús María Padín, home de 79 anos veciño de Portonovo, en Sanxenxo, desaparecido o 5 de xaneiro de 2023 / CONCELLO DE SANXENXO / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta