O mel galego, un produto que vai a máis tras a pandemia

As explotacións apícolas en Galicia aumentaron nun 35% nos últimos 10 anos.

Por Europa Press / Redacción | SANTIAGO DE COMPOSTELA | 29/01/2023 | Actualizada ás 14:01

Comparte esta noticia

Nos últimos 10 anos o número de explotacións apícolas creceu un 35% en Galicia, duplicando o número de colmeas e situándose moi por encima do incremento medio nacional.

Así o destacaron o director xeral de Gandería, Agricultura e Industrias Agroalimentarias, José Balseiros, e o director da Axencia Galega da Calidade Alimentaria, José Luís Cabarcos, durante a súa visita ao II Feira do Mel Alvariza, no concello pontevedrés de Lalín.

Neste sentido, a Xunta concretou que Galicia é a terceira comunidade autónoma en número de explotacións (case 5.000) e a quinta en volume de mel producido (unhas 3.000 toneladas). Ademais, conta cun selo propio, a indicación xeográfica protexida (IXP) Mel de Galicia, cuxa zona de produción, elaboración e envasado abarca todo o territorio galego.

Por iso, a Consellería do Medio Rural remarcou que aposta por este sector mediante axudas específicas que se convocan anualmente. De feito, precisou que o orzamento destas achegas aumentou anualmente, pasando de 400.000 euros na convocatoria de 2014 aos máis de 1,3 millóns de euros en 2022.

Colmea de abellas
Colmea de abellas | Fonte: UN.ORG

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta