O BNG non se fía do Goberno e pregunta en Bruxelas se xa "confirmou" que baixará ao Villa de Pitanxo
Ana Miranda considera "imprescindible" coñecer "que pasou" o día do naufraxio do pesqueiro de Marín.
Por Europa Press / Redacción | SANTIAGO DE COMPOSTELA | 15/02/2023 | Actualizada ás 17:33
A eurodeputada do BNG, Ana Miranda, preguntou á Comisión Europea se o Goberno español comunicou ás autoridades comunitarias que baixará ao pecio da Villa de Pitanxo, afundido o 15 de febreiro de 2022 en augas do Atlántico con 24 tripulantes a bordo, do só tres sobreviviron.
No primeiro aniversario do tráxico sinistro marítimo, a representante da formación frontista en Europa ha remtidio un escrito este mércores á xefa da Unidade de Seguridade Marítima da Dirección Xeral de Mobilidade e Transporte da Comisión Europea, Fotini Ioannnidou, para pedirlle que aclare os pasos dados polo Executivo español.
"Queremos saber se o Estado xa confirmou á Comisión Europea que vai baixar á Villa de Pitanxo", subliñou Ana Miranda en alusión ao anuncio efectuado polo Ministerio de Transportes o pasado 3 de febreiro coa licitación do contrato para buscar e localizar a embarcación por 3,6 millóns de euros.
"Consideramos que este anuncio é positivo, aínda que chega tarde, xa que a operación xa se puido realizar o pasado verano, cando as condicións climáticas permitíano", remarcou a eurodeputada, que considera "imprescindible" coñecer "que pasou" o día do naufraxio do pesqueiro de Marín.
