Encontran o cadáver momificado dun home dentro dunha casa en Monterrei

Unha persoa familiar do home, que vivía só, foi o que alertou de que non lograba contactar con el.

Por Europa Press / Redacción | SANTIAGO DE COMPOSTELA | 19/04/2023 | Actualizada ás 21:03

Comparte esta noticia

Axentes da Garda Civil localizaron este mércores nunha casa situada nunha aldea de Monterrei, o corpo dun home maior que podería levar varios meses falecido. Así o ratificaron a Europa Press fontes coñecedoras do achado do corpo, que xa estaría momificado.

Unha persoa familiar do home, que vivía só, foi o que alertou de que non lograba contactar con el. O cadáver estaba no baixo da vivenda, ao final de todo o habitáculo, e os bombeiros de Verín tiveron que intervir para garantir o acceso á vivenda ás autoridades e servizos xudiciais.

Os seus labores foron de apontoamento, xa que, segundo as fontes consultadas por Europa Press, a vivenda non estaba en boas condicións.

Vehículo da Garda Civil
Vehículo da Garda Civil | Fonte: Alberto Ruiz - Europa Press.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta