Un home ferido de gravidade tras caer desde unha altura en Vedra

Por Europa Press / Redacción | SANTIAGO DE COMPOSTELA | 26/05/2023 | Actualizada ás 19:27

Comparte esta noticia

Un home resultou ferido de gravidade este venres tras sufrir unha caída desde unha altura nunha vivenda do municipio coruñés de Vedra.

Segundo informou o 112 Galicia, o suceso ocorreu sobre as 17,20 horas nunha vivenda da parroquia de San Fins de Sales, onde o home realizaba uns arranxos en casa duns amigos e precipitouse.

Ata o lugar desprazouse o helicóptero medicalizado do 061 con base en Santiago, aínda que, finalmente, a vítima foi evacuada en ambulancia ao Hospital Clínico de Santiago. Ao lugar tamén acudiron os axentes da Garda Civil co fin de coñecer as circunstancias do suceso, e foron alertados os membros do GES da Estrada e Protección Civil de Vedra.

Helicóptero e ambulancia do Urxencias Sanitarias 061 Galicia.
Helicóptero e ambulancia do Urxencias Sanitarias 061 Galicia. | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta