Ratificadas polo comité provincial as listas do PSdeG por Pontevedra, que encabezan Regades e Carmela Silva

O comité provincial do PSOE de Pontevedra aprobou este xoves por aclamación as candidaturas coas que os socialistas concorrerán pola provincia ás eleccións xerais do 23 de xullo e que encabeza o delegado da Zona Franca de Vigo, David Regades, para o Congreso, e a presidenta da Deputación de Pontevedra en funcións, Carmela Silva, ao Senado.

Ademais de Regades, conforman a candidatura, por esta orde, a exsenadora Margarita Adrio; o exsenador Modesto Pose; a exalcaldesa de Silleda Paula Fernández; o rexedor da Cañiza, Luís Piña; a alcaldesa de Meis, Marta Giráldez; e o exrexedor de Cambados, Samuel Lago.

A candidatura ao Senado ten como titulares á presidenta Carmela Silva, o candidato en socialista na Estrada, Luís López Bo, e a alcaldesa de Forcarei, Verónica Pichel

O comité provincial do PSOE de Pontevedra aproba as candidaturas coas que os socialistas concorrerán pola provincia ás eleccións xerais do 23 de xullo. PSOE DE PONTEVEDRA | Fonte: Europa Press