A feira 'Primavera no Camiño Inglés' promociona un ano máis os municipios deste ititinerario da ruta
Houbo actuacións de música en vivo, rutas dacabalo e en bicicleta e un mercado de produtos locais
Por E.P. | SANTIAGO DE COMPOSTELA | 10/06/2023 | Actualizada ás 19:18
O encoro de Beche, no Concello de Abegondo, acolleu este sábado a sexta edición da feira 'Primavera no Camiño Inglés' para promocionar os diferentes atractivos dos municipios polos que transcorre o itinerario que finaliza na praza do Obradoiro de Santiago de Compostela.
A Asociación de Concellos do Camiño Inglés e a Deputación da Coruña foron as encargadas de organizar este evento, que cada ano se traslada a un municipio diferente, e que contou coa presenza de representantes de cada un das 18 localidades polas que discorre esta ruta.
Así, a programación de actividades dividíase en tres espazos diferentes: o Escenario Primavera, correspondente co espazo institucional e feira turística; o Espazo Lúdico Primavera, que acolleu os talleres infantís e actividades culturais; e o Escenario Rede Estelar, que foi a localización dedicada á gastronomía e almercado artesanal.
Ademais, durante a xornada sucedéronse as mostras de artesanía tradicional, showcookings en vivo e degustacións de distintos produtos típicos dos lugares do Camiño. A oferta completouse con actuacións de música en vivo, rutas dacabalo e en bicicleta, un mercado de produtos locais, e diversos talleres para todos os públicos.
