Por Europa Press / Redacción | SANTIAGO DE COMPOSTELA | 08/08/2023 | Actualizada ás 17:11
O viceportavoz parlamentario do PSdeG, Julio Torrado, responsabilizou este martes á Xunta da "falta de persoal" no Servizo Galego de Saúde (Sergas) este verán, algo que é froito dunha "década de recortes" na sanidade pública e as condicións laborais "precarias" ofrecidas.
A través dun comunicado, o socialista faise eco dun "gran número de queixas de veciños e profesionais" por toda Galicia pola situación da Atención Primaria, algo que, denuncia, ocorre durante o ano pero "se acrecenta" polas vacacións estivais dado o "inmobilismo" do Goberno autonómico.
Así, Torrado sinala como "de novo" en zonas turísticas como O Salnés e O Barbanza hai "ata dez días de lista de espera" en Atención Primaria. Ademais, nas cidades o Sergas "non funciona mellor". Todo iso mentres, tal e como lamenta, a Xunta "parece dar por válida a situación apelando a que non hai médicos de Primaria". Con todo, o viceportavoz do PSdeG sinala como en Enfermaría si que hai "moitísimo profesional dispoñible".
Para Torrado, esta situación débese a que o Goberno galego leva dez anos "recortando" no Sergas, ao non formar a MIR "suficientes". A isto engade as condicións laborais: "Son as que impiden que teñamos os profesionais necesarios como denuncian todos os colectivos desde hai moitísimo tempo e aos que a Xunta non quere escoitar".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.