Ratifican prisión para o detido en Verín por agresión sexual a dous menores
Tamén se acordou unha orde de afastamento e prohibición de comunicación coa nai das menores, exparella do investigado.
Por E.P. | OURENSE | 14/08/2023 | Actualizada ás 15:55
O Xulgado de Instrución de Verín ratificou a prisión provisional para o home de orixe portuguesa nesta localidade ourensá por dous delitos de agresión sexual ás fillas menores da súa exparella.
Segundo informaron fontes do Tribunal Superior de Xustiza de Galicia, o home pasou a disposición xudicial na mañá deste luns e acolleuse ao seu dereito a non declarar.
Tras a comparecencia, a xuíza ratificou a súa orde de ingreso en prisión por dous delitos continuados de agresión sexual a menor de 16 anos.
Paralelamente, acordou tamén unha orde de afastamento e prohibición de comunicación cara ás menores e cara á súa nai, exparella do investigado.
Ao home, de 45 anos, constábanlle dúas ordes europeas de detención, unha por estes delitos de agresión sexual e outra por un presunto delito de violencia de xénero. Foi detido na noite do pasado sábado.
