Un condutor quédase a nada da pena de prisión en Baltar: circulaba a 172 km/h nunha zona de 90
Se circulase a 178 km/h, sería un presunto delito contra a seguridade do tráfico, tipificado no Código Penal e castigado coa pena de prisión de tres a seis meses ou á de multa de seis a doce meses ou traballos en beneficio da comunidade de trinta e un a noventa días e, en calquera caso, á de privación do dereito a conducir vehículos a motor e ciclomotores por tempo superior a un e ata catro anos.
Por Europa Press / Redacción | OURENSE | 05/09/2023 | Actualizada ás 15:51
O Subsector de Tráfico da Garda Civil de Ourense detectou nas proximidades da Boullosa, en Baltar, ao condutor dun vehículo que circulaba a case o dobre da velocidade máxima permitida nun lugar limitado a 90. Segundo informou a Garda Civil de Ourense, os feitos ocorreron sobre as 11.51 horas, cando estaban a realizar un control de velocidade estático na OU-1110, km 5.300 (vía interurbana), e captaron a un turismo que circulaba a 172 km/h nun punto limitado a 90.
Así, foi detido o vehículo e o condutor foi identificado. Trátase dun home de 40 anos de idade, que foi denunciado por unha infracción tipificada no artigo 48 do vixente Regulamento Xeral de Circulación, o cal recolle as velocidades máximas que non deben ser pasadas en vías fóra de poboado. Ademais, o feito descrito e en concordancia coa actual regulamentación, ten a consideración de infracción moi grave, o que leva aparellado unha sanción de 600 euros e unha perda de 6 puntos no permiso de conducir.
Se circulase a 178 km/h, sería un presunto delito contra a seguridade do tráfico, tipificado no Código Penal e castigado coa pena de prisión de tres a seis meses ou á de multa de seis a doce meses ou traballos en beneficio da comunidade de trinta e un a noventa días e, en calquera caso, á de privación do dereito a conducir vehículos a motor e ciclomotores por tempo superior a un e ata catro anos.
