Os concellos de menos de 5.000 habitantes os máis cumpridores coa rendición das súas
Case o 72% dos concellos galegos renderon en prazo a conta de 2022.
Por Europa Press / Redacción | SANTIAGO DE COMPOSTELA | 21/10/2023 | Actualizada ás 12:49
Tras finalizar o prazo para a rendición de contas das entidades locais galegas do exercicio 2022 ante o Consello de Contas, o 71,88% --225 de 313-- dos concellos fixérono en prazo. Segundo informou a institución, o computo total de entidades locais que cumpriron con este proceso no tempo establecido foi o 68,52% --245 de 359--.
Desta forma, o 100% das Deputacións presentaron as contas en prazo, as entidades menores o 33,33% --tres de nove-- e as mancomunidades renderon contas o 39,39% --13 de 33--.
En relación ao exercicio anterior, houbo unha redución da porcentaxe de rendición en prazo algo que, segundo Contas, "resulta atípico" ao coincidir cun proceso electoral local. Os concellos renderon contas en prazo 16 menos que no exercicio pasado, as Deputacións manteñen o nivel de cumprimento, mellora o nivel de cumprimento nunha entidad local menor e as mancomunidades manteñen o número.
En canto ás provincias, na da Coruña foron 65 dos 93 concellos --un 69,89%--, en Pontevedra 37 de 61 --60,65%--, en Lugo 46 de 67 --un 68,66%--, e en Ourense un total de 77 de 92 --83,69%--.
Por tramos de poboación son os concellos con menos de 5.000 habitantes os máis cumpridores coa rendición de contas. Desta forma, un 42,85% dos concellos con máis de 50.000 habitantes renderon en prazo --tres de sete--.
De 20.001 a 50.000 habitantes foi un 43,75% dos concellos --sete de 16--, un 63,63% dos concellos de 10.001 a 20.000 habitantes --21 de 33--.
No que se refire a o concello de 5.001 a 10.000 habitantes presentaron contas en prazo un 64,28% --36 de 56--, e dos de menos de 5.000 habitantes un 78,61% --158 de 201--.
