Por Galicia Confidencial | Compostela | 22/11/2023 | Actualizada ás 14:18
O tuit "incendiario" do PPdeG contra unha publicación do deputado socialista Julio Torrado, que lembraba o asasinato do socialista Ernest Lluch, aínda segue dando que falar. Este mesmo mércores, o presidente da Xunta, Alfonso Rueda, saíu en defensa das reaccións do seu partido a este comentario.
O portavoz socialista na Cámara, Luis Álvarez iniciou a súa intervención este mécores cualificando de "atrocidade" a mensaxe publicada en Twitter polo PP no que se descualificaba unha publicación previa do deputado socialista Xullo Torrado lembrando o aniversario do asasinato do ministro de sanidade do PSOE Ernest Lluch a mans de ETA hai 23 anos.
Despois de que o PP falase de "melancolía impostada" dos socialistas galegos, Álvarez emprazou á "sección de Vox" do PP a condenar esta publicación. "Con respecto ao autor desta atrocidade só teño unha valoración, culinaria. Gústame a froita", manifestou en referencia ás palabras coas que a presidenta da Comunidade de Madrid, Isabel Díaz Ayuso, asegurou que se referiu ao presidente Pedro Sánchez.
A estas afirmacións Rueda respondeu afeando ao socialistas os pactos da súa formación con Bildu. "Quere que pregunte se hai algún deputado ao que lle repugna pactar cunha organización política que non é capaz de condenar ningún asasinato, incluído o do señor Lluch?", replicoulle para subliñar que "Bildu non condena aos que o asasinaron" e o PSOE "pacta con Bildu".
Diputados del PSOE en Galicia hablando de Lluch con melancolía impostada mientras aplauden los pactos de Sánchez con Bildu 😶 pic.twitter.com/BdlHfYTA4d
— PP de Galicia (@ppdegalicia) November 21, 2023
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.