A fin de semana remata con 52 persoas feridas en 43 accidentes de tráfico en Galicia

Urxencias Sanitarias de Galicia-061 atendeu, durante este fin de semana, a un total de 52 persoas debido a 43 accidentes de tráfico ocorridos nas estradas galegas, entre as 15,00 horas do venres e as 23,59 horas do domingo 26 de novembro. Precisamente, o domingo foi a xornada con máis sinistros, con 18.

Segundo informou o 061, neste tempo a central recibiu 65 chamadas relacionadas con accidentes de tráfico, que xeraron 43 asistencia sanitarias por parte do persoal do 061, que atendeu a un total de 52 persoas.

A proporción de homes e mulleres foi do 61-39 por cento, respectivamente. En canto ás idades, o 40 por cento dos atendidos tiña entre 25 e 39 anos. Por provincias, A Coruña sitúase á cabeza con 18 accidentes; seguida de Pontevedra, con 16; Ourense, con seis sinistros; e Lugo, con tres accidentes de circulación.

Helicóptero de Urxencias Sanitarias de Galicia-061 | Fonte: 061