Cinco concellos galegos entre os máis agraciados con 'El Gordo' do Sorteo de Nadal

'El Gordo' do Sorteo Extraordinario da Lotaría de Nadal caeu un total de oito veces na Coruña, cidade galega máis agraciada con este Primeiro Premio que tivo nos anos 1903, 1958, 1974, 2003, 2012, 2014, 2018 e 2022. Séguenlle Lugo, con cinco veces, e Vigo, con outro catro. O ranking do cinco afortunados complétase co municipio coruñés de Carballo e co pontevedrés do Porriño, onde 'El Gordo' caeu tres veces en cada un. A pincipal curiosidade dáse en Vilalba, que recibiu a visita do Primeiro Premio en dous anos que, ademais, foron consecutivos: 2017 e 2018.

De toda España, Madrid é a rexión que maior número de veces recibiu a visita do 'Gordo' do Sorteo Extraordinario da Lotaría de Nadal, con 83 ocasións, fronte á cidade autónoma de Melilla, que segue sendo a única onde nunca caeu este desexado primeiro premio, dotado con 400.000 euros ao décimo. Segundo datos da Sociedade Estatal de Lotarías e Apostas do Estado (SELAE), recollidos por Europa Press, a segunda cidade de España con maior fortuna volve ser Barcelona, xa que na cidade condal caeron un total de 43 'Gordos' desde o ano 1817. Na capital catalá tamén caeu o premio o pasado 2022.

Asunción, unha agraciada do 'Gordo' do Sorteo Extraordinario da Lotaría de Nadal correspondente ao número 5490 celebra a súa sorte na administración situada nas galerías comerciais da rúa Barcelona, a 22 de decembro de 2022, na Coruña,. M. Dylan - Europa Press | Fonte: Europa Press