Besteiro presidirá a Comisión de Transportes no Congreso dos Deputados
Aseguran que con este cargo poderá ter "fío directo" co ministro de Transportes, Óscar Puente, nun momento no que Galicia está pendente de diversas infraestruturas e da chegada dos trens Avril.
Por Europa Press / Redacción | SANTIAGO DE COMPOSTELA | 30/11/2023 | Actualizada ás 19:58
O candidato do PSdeG á Presidencia da Xunta, José Ramón Besteiro, será elixido presidente da Comisión de Transportes no Congreso dos Deputados.
Así o adiantou a Cadena Ser e confirmaron a Europa Press fontes socialistas, que sinalan que o tamén deputado na Cámara baixa por Lugo prevé ser elixido presidente desta comisión o vindeiro luns.
Estas fontes destacan que a elección de Besteiro para esta responsabilidade pon en valor a importancia da cohesión territorial para o PSOE.
Ademais, aseguran que con este cargo poderá ter "fío directo" co ministro de Transportes, Óscar Puente, nun momento no que Galicia está pendente de diversas infraestruturas e da chegada dos trens Avril.
