Investigan a morte dunha muller de 59 anos que acharon inconsciente en Nogueira de Ramuín

A Garda Civil abriu unha investigación para esclarecer a morte dunha muller de 62 anos de idade, veciña de Nogueira de Ramuín, á que horas antes acharon inconsciente, semidesnuda e con signos de violencia nun camiño.

Segundo informan fontes dos servizos de emerxencias consultadas por Europa Press, trátase dunha veciña de Requeixo, pero de nacionalidade ucraína, á que un veciño atopou tirada nun camiño entre Malburguete e O Tuxedo, próximo a unhas casas abandonadas, sobre as 10,00 da mañá.

Esta persoa particular foi a que deu o aviso ao 112 Galicia do achado desta muller ferida que podía necesitar asistencia sanitaria. Así, a central de emerxencias, á súa vez, activou un operativo no que interviñeron o Instituto Armado e Urxencias Sanitarias-061.

A muller, da que a Garda Civil confirma a súa nacionalidade ucraína, foi trasladada en ambulancia ao Complexo Hospitalario Universitario de Ourense (CHUO), onde faleceu ás poucas horas. A investigación, segundo apuntas fontes coñecedoras do caso, mantén abertas todas as hipóteses para esclarecer a súa morte.