Tres galegos a bordo dunha narcolancha en Senegal onde se comisou un alixo de cocaína
Case 700 quilos de droga.
Por Europa Press / Redacción | SANTIAGO DE COMPOSTELA | 26/12/2023 | Actualizada ás 19:54
A Mariña Nacional de Senegal informou do comiso dun alixo de cocaína de case 700 quilos nunha narcolancha a bordo da que viaxaban cinco tripulantes, tres deles galegos.
O corpo marítimo do país africano informou, a través das súas redes sociais, da operación, que tivo lugar o pasado 22 de decembro a 220 quilómetros da costa. Unha das súas fragatas interceptou á planadora cando transportaba a droga, apuntan, en dirección a Europa. Aínda que tentaron desfacerse da mercadoría, esta foi finalmente recuperada e transportada a Dakar, onde tamén enviaron a planadora e ao cinco tripulantes.
Fontes próximas ao caso confirmaron a Europa Press que tres deles son de orixe galega, aínda que polo momento non dispoñen de máis información.
