Ferido un traballador en Sarria ao cortarse nunha perna cunha máquina

Un traballador resultou ferido este luns na localidade lucense de Sarria tras facerse un profundo corte nunha perna cunha máquina. Segundo a información do CIAE 112-Galicia, o suceso ocorreu sobre as 13,00 horas nun taller de despezamento de vehículos situado en Reimóndez, mentres o afectado manexaba unha máquina.

Ata a zona desprazouse persoal sanitario do 061 co helicóptero medicalizado con base en Ourense, que estabilizou ao ferido e trasladouno ao hospital. No operativo tamén participaron efectivos da Garda Civil e da Policía Local de Sarria.

Sala de operacións 112 Galicia | Fonte: XUNTA - Arquivo