A Fegamp reclama que a Xunta cumpra "os compromisos" sobre as Unidades Municipais de Asistencia a Drogodepencia
Nun comunicado, asegura que este é o posicionamento da Fegamp e dos 13 concellos que contan coas citadas unidades, en relación a un convenio dirixido a cubrir os custos deste servizo por parte dos citados concellos
Por E.P. | SANTIAGO DE COMPOSTELA | 04/04/2024 | Actualizada ás 19:59
A Federación Galega de Municipios e Provincias (Fegamp) instou á Xunta a "cumprir os compromisos de cobertura de xubilacións e de asunción de persoal sanitario" en relación ás Unidades Municipais de Asistencia á Drogodependencia (UMAD), á vez que considera que o novo convenio proposto supón un "empeoramento".
Nun comunicado, asegura que este é o posicionamento da Fegamp e dos 13 concellos que contan coas citadas unidades, en relación a un convenio dirixido a cubrir os custos deste servizo por parte dos citados concellos.
Este rexeitamento, explica, trasladouse nunha reunión da comisión de seguimento do convenio mantida este xoves entre representantes da Vicepresidencia Primeira e da Consellería de Sanidade, por parte da Xunta, e unha delegación da Fegamp.
"Tamén se trasladou o malestar unánime do trece concellos con UMAD polo continuo incumprimento da Xunta dos seus compromisos adquiridos desde 2022 polos que a Consellería cubriría de forma directa as vacantes de persoal sanitario que se vaian producindo por motivo de xubilacións e que no prazo de tres a cinco anos a Consellería de Sanidade asumiría todo o persoal sanitario das UMAD", engade.
