Máis de medio centenar de proxectos de institutos optan ao VI Premio Stephen Hawking
Os proxectos participantes están asinados por preto de 80 estudantes.
Por E.P. | SANTIAGO DE COMPOSTELA | 10/04/2024 | Actualizada ás 20:50
O VI Premio Stephen Hawking, convocado polo compostelán IES Plurilingüe Rosalía de Castro, recibiu un total de 54 proxectos de estudantes procedentes de 11 institutos.
Este galardón, que se concede coa colaboración da Consellería de Cultura, Educación, Formación Profesional e Universidades, está a aberto a centros implicados no programa de Bacharelato Internacional. En concreto concorren alumnos de sete municipios galegos (Santiago, A Coruña, Lugo, Nigrán, Ourense, Brión e Trives) e dous de fóra de Galicia (Madrid e Soria).
A lema desta edición é a de 'Intelixencias'. As liñas de traballo a desenvolver son a figura do investigadora Amparo Alonso Betanzos (Vigo, 1961) e a súa contribución á intelixencia artificial, así como as investigacións que viran de forma global ao redor do tema deste ano.
Os proxectos participantes están asinados, de forma individual ou grupal, por preto de 80 estudantes. Os traballos exporanse polos alumnos o 19 de abril, día no que o tribunal --presidido por Amparo Alonso Betanzos-- fará público o fallo.
