Os traballos de limpeza nas estradas continúan a vindeira semana, con novas actuacións na OU-540

A Xunta iniciará a próxima semana novos traballos de limpeza nas marxes da estrada OU-540 que comunica Ourense e Lobios. Ademais destas tarefas, na provincia de Ourense continuarán as intervencións na OU-801, entre Pontebarxas e Ribadavia, e na OU-101 en Ourense.

No caso da provincia de Lugo, seguirán os traballos na vía de altas prestacións CG-2.3, entre San Cibrao e Celeiro. Así mesmo, proseguirán as intervencións que están en marcha nas diferentes vías autonómicas da provincia de Pontevedra, na comarca do Morrazo: na autovía AG-4.6, en Moaña e Cangas; e na CG-4.1, que une os municipios de Moaña e de Cangas.

Actuacións de roza en estradas autonómicas | Fonte: XUNTA - Arquivo