O PPdeG rexistra o nomeamento de Comesaña como viceportavoz parlamentario
A designación do exconselleiro de Sanidade avanzouna o presidente da Xunta e do PPdeG, Alfonso Rueda, este domingo.
Por Europa Press / Redacción | SANTIAGO DE COMPOSTELA | 22/04/2024 | Actualizada ás 18:14
O Grupo Parlamentario popular rexistrou na mañá deste luns o nomeamento do exconselleiro de Sanidade, Julio García Comesaña, como viceportavoz parlamentario. O político pasará a ocupar a viceportavocía que ostentaba desde a constitución dos órganos da Cámara galega a acutal conselleira de Vivenda e Planificación de Infraestruturas, María Martinez Allegue.
Julio García Comesaña foi titular Consellería de Sanidade, un cargo que agora ostenta Antonio Gómez Caamaño, e formará parte da dirección do grupo parlamentario, que dirixe o portavoz Alberto Pazos e no que tamén é viceportavoz a secretaria xeral do PPdeG, Paula Prado.
A designación de Comesaña como viceportavoz parlamentario foi avanzada polo presidente da Xunta e do PPdeG, Alfonso Rueda, nunha entrevista publicada o domingo en Faro de Vigo e recollida por Europa Press.
