Activada unha convocatoria de apoios á dixitalización de pemes e autónomos dotada con 5 millóns de euros

A Xunta activou unha nova convocatoria de apoios económicos para a dixitalización das empresas pequenas e autónomos dotada con 5 millóns de euros de orzamento. O Diario Oficial de Galicia publicou a orde deste programa que pretende impulsar a transformación industrial e reforzar a aposta dixital de pemes e autónomos galegos.

Así o explica a Consellería de Economía e Industria a través dun comunicado emitido este sábado no que sinala que a través destas axudas financiaranse accións para ordes de fabricación distribuída, sistemas de facturación, procesos entre un líder industrial cara ás empresas que conforman a súa cadea de valor ou proxectos individuais cara á dixitalización ou conectividade da peme.

As axudas poderán solicitarse ata o próximo 27 de maio e poderán cubrir o 35% dos investimentos para as empresas pequenas e do 25% para as de mediano tamaño.

A RAG completa a dixitalización de publicacións propias con 177 títulos editados desde 1906. RAG - Arquivo | Fonte: Europa Press